Júní 2006

   Ágæti vinur.
 

  Orð Guðs fer héðan frá Íslandi gegnum 3 sjónvarpshnetti, og gefur einstaklingum í 80 löndum tækifæri til að heyra góðu fréttirnar um að Jesús reis upp frá dauðum og er sá sami í dag og alla tíma.

  Við erum forréttindafólk, að hafa tækifæri til að eiga hlutdeild í þessu mikilvæga útbreiðslustarfi á Orði Guðs.

  Allt er þetta raunverulega gert í miklum vanmætti, en við látum ekki bugast. Við höldum áfram að treysta á Guð og erum þess fullviss, að við verðum okkur ekki til skammar.

  Ég trúi því, að við höfum fundið nýja leið til þess að fá meira fjármagn inn í starfið hér heima, sem ég er mjög spenntur fyrir og er viss um að eigi eftir að hjálpa okkur stórlega.

  Á þessu augnabliki get ég ekki sagt hvað það er, en það kemur í ljós innan skamms.

  Hér er áhrifaríkur vitnisburður frá trúföstum áhorfanda í Englandi:

  Mig langar til að gefa vitnisburð varðandi tíund.

  Vegna sjúkleika, hef ég ekki getað sótt kirkju í langan tíma. Þetta orsakaði það, að ég varð kærulaus varðandi tíund. Drottinn áminnti mig fyrir þetta og sýndi mér fram á að ég yrði að líta á kristilegt sjónvarp, sem mína kirkju og blessa það með tíund og fórnargjöfum.

  Ég og maðurinn minn, höfðum gengið í gegnum erfiðan tíma, þegar það virtist vera ósýnileg hindrun í öllu okkar lífi. Maðurinn minn þurfti að eyða talsvert miklu í rútuferðir til og frá vinnu, sem hafði slæm áhrif á fjárhaginn. Við áttum bíl, en maðurinn minn féll margsinnis á bílprófinu.

  Okkur fannst að Drottinn vildi að við gætum eignast húsið sem við bjuggum í, með því að kaupa það af bæjarfélaginu.

  Til þess að af því gæti orðið, þurftum við að fá hagstæða endurfjármögnun á öllum okkar skuldum, þannig að mánaðarleg afborgun yrði ekki meira en 65.000 kr., sem virtist nánast útilokað.

  Við reyndum þetta margsinnis, en það gekk ekki upp.

  Við hjónin vissum bæði, að við yrðum að vera hlýðin Drottni varðandi tíundina, jafnvel þótt mannlega séð þyrftum við á hverjum eyri að halda.

  Þegar ég spurði manninn minn, hvort það væri í lagi hans vegna að við byrjuðum að skila tíund til kristilegs sjónvarps, þá var hann samþykkur því og honum fannst að við ættum að leggja fjármagnið til Gospel Channel.

  Nú eru liðnir nokkrir mánuðir og margt hefur breyst.

  Maðurinn minn náði að ljúka bílprófinu.

  Verðbréfafyrirtækið sem við höfðum talað við, bauð skyndilega skuldabréfalán með afborgun sem var töluvert fyrir neðan þá upphæð sem nefnd var hér að framan.

  Manninum mínum var síðan boðið mun betur launað starf, við að setja upp gerfihnattadiska, og innifalið eru ferðir til og frá vinnu.

  Okkur hafði aldrei órað fyrir því, hvað óhlýðni varðandi tíund getur hindrað mikla blessun. Við höfðum ekki áttað okkur á því, hversu heimskulegt það er að halda frá Drottni, því sem Hann á.

  Við höfum fengið að reyna það, að Guð er trúfastur Guð (Malakí 3:3). En við þurfum líka að vera trúföst við Guð. Ef þú ert þegar í fjárhagslegum vanda, þá hefurðu engu að tapa. Ég og maðurinn minn getum sagt þér, að þú munt aldrei sjá eftir því.

  Með kærleikskveðju í Jesú Kristi,

  Systir Audrey í Englandi”
  -------------------------